დიდმა ბრიტანეთმა 20,5 მილიარდი დოლარის ღირებულების რუსული აქტივები გაყინა

დიდმა ბრიტანეთმა გაყინა 20,5 მილიარდ დოლარზე მეტი ღირებულების აქტივები, რომლებიც ეკუთვნით რუს ოლიგარქებს, ასევე იმ რუს ფიზიკურ და იურიდიულ პირებს, რომლებზეც რუსეთის უკრაინაში სრულმასშტაბიან შეჭრასთან დაკავშირებით გავრცელდა სანქციები. Reuters-ის თანახმად, გაყინული აქტივები მოიცავს სანქცირებულ პირთა აქციებს კომპანიებში და საბანკო ანგარიშებზე არსებულ თანხებს. ამასთან, გაყინვას არ დაექვემდებარა გერნსისა და ჯერსის კუნძულებზე მდებარე უძრავი ქონება ან აქტივები. "ჩვენ რუსეთის წინააღმდეგ ისტორიაში უმძიმესი სანქციები დავაწესეთ და ეს ძირს უთხრის მის სამხედრო მანქანას", - განაცხადა ბრიტანეთის ფინანსური დეპარტამენტის წარმომადგენელმა ენდრიუ გრიფიტმა. "ჩვენი გზავნილი აბსოლუტურად ნათელია: ჩვენ არ დავუშვებთ პუტინის ამ სასტიკ ომში წარმატების მიღწევას." უკრაინაში შეჭრის შემდეგ, დიდმა ბრიტანეთმა სანქციები დაუწესა რუსეთში მოღვაწე 1200-ზე მეტ პირს, მათ შორის ბიზნესმენებსა და პოლიტიკოსებს და რუსეთში მოქმედ 120-ზე მეტ ორგანიზაციას. ...