სერგო ჩიხლაძე: დარწმუნებული ვარ, „ნაციონალური მოძრაობა“ ძალიან მნიშვნელოვან როლს შეასრულებს პრორუსული რეჟიმის შეცვლაში

დარწმუნებული ვარ, „ნაციონალური მოძრაობა“ ძალიან მნიშვნელოვან როლს შეასრულებს პრორუსული რეჟიმის შეცვლაში. ვფიქრობ, ახალი არჩევნები და ახალი რეალობა ხელს შეუწყობს დიდი პროევროპული ერთობის ჩამოყალიბებას,-ამის შესახებ „სტრატეგია აღმაშენებლის“ ერთ-ერთმა ლიდერმა, სერგო ჩიხლაძემ ჟურნალისტებთან განაცხადა, რითაც უპასუხა კითხვას, მოახდენს თუ არა გავლენას ოპოზიციურ ერთობაზე „ნაციონალურ მოძრაობაში“ მიმდინარე პროცესები. მან „ნაციონალურ მოძრაობაში“ მიმდინარე დაპირისპირებაზე კომენტირებისას აღნიშნა, რომ აღნიშნულ საკითხს პარტია არჩევნების გზით მოაგვარებს. „ნაციონალური მოძრაობა” მოაგვარებს ამ საკითხს, არჩევნები ექნებათ. დარწმუნებული ვარ, „ნაციონალური მოძრაობა“ ძალიან მნიშვნელოვან როლს შეასრულებს ამ ქვეყანაში პრორუსული რეჟიმის შეცვლაში. ვფიქრობ, „ნაციონალურ მოძრაობაში“ ახალი არჩევნები და ახალი რეალობა ხელს შეუწყობს დიდი პროევროპული ერთობის ჩამოყალიბებას“,- აღნიშნავს ჩიხლაძე. მისივე თქმით, საქართველოში პროევროპულ პროცესებს გააძლიერებს ადამიანების, პოლიტიკური სპექტრის და პოლიტიკური მოთამაშეების ერთობა. „ჩვენი, სამი პარტიის ერთობა შემდგარია. ჩვენ გვაქვს ჩვენი დღის წესრიგი, თუმცა, თუ კიდევ გაიზრდება ეს ერთიანობა, ეს მხოლოდ გააძლიერებს საქართველოში პროევროპულ პროცესებს. რაც უფრო მეტი იქნება ადამიანების, პოლიტიკური სპექტრის და პოლიტიკური მოთამაშეების ერთობა პროევროპულ მხარეს, მეტი სიძლიერე იქნება“,- აღნიშნავს სერგო ჩიხლაძე....