რა უნდა ვიცოდეთ კალციუმის შესახებ

კალციუმი დიდ როლს ასრულებს სხეულის ჯანსაღი ფუნქციონირების პროცესში. იგი საჭიროა სისხლის წნევის დასარეგულირებლად, კუნთების სამოძრაოდ, ჰორმონალური ბალანსის შესანარჩუნებლად. კალციუმი აკავშირებს ტვინსა და ორგანულ უჯრედებს. მონაწილეობს ინფორმაციის გადაცემაში. ორგანიზმს ბუნებრივად კალციუმის გამომუშავება არ შეუძლია. ამ ნივთიერებით მდიდარია რძის პროდუქტები, მუქი მწვანე შეფერილობის ბოსტნეული, როგორიცაა ბროკოლი და ისპანახი, თეთრი ლობიო, ფორთოხალი, კვერცხი, ნიგოზი. თუმცა ორგანიზმში კალციუმის შეწოვა და ათვისება რომ მოხდეს, ამისათვის საჭიროა D ვიტამინის საკმარისი რაოდენობა. თუ ეს ვიტამინი თქვენს სხეულში დეფიციტურია, მაშინ ვერც კალციუმს აითვისებთ. კალციუმის ნაკლებობა ზრდის ორთეოპოროზის რისკს. აზიანებს კანს, ასუსტებს ფრჩილებს და კბილებს. ხელს უშლის ძვლოვანი და კუნთოვანი სისტემის გაძლიერებას. თუმცა მისი ჭარბი რაოდენობით მიღებაც ვნებს ჯანმრთელობას და გულის დაავადებებსაც კი იწვევს. ამიტომ არასდროს მიიღოთ კალციუმი ან რომელიმე სხვა ნივთიერება ექიმის რეკომენდაციის გარეშე. მიმართეთ სპეციალისტს და ჩაიტარეთ შესაბამისი გამოკვლევები. წყარო/ფოტო: Health Line...