მთავარეპისკოპოსი ზენონი: მეუფე დიმიტრიმ მითხრა, ყველაფერს გავაკეთებ იმისთვის, რომ მათხოვრად იარო ლონდონის ქუჩებშიო

დიდი ბრიტანეთისა და ჩრდილოეთ ირლანდიის ეპარქიის მიტროპოლიტობიდან ჩამოშორებული მეუფე ზენონი აცხადებს, რომ ბათუმისა და ლაზეთის მიტროპოლიტი მეუფე დიმიტრი შიოლაშვილი მას ემუქრებოდა. მისივე თქმით, სატელეფონო საუბრისას მეუფე დიმიტრი „ძალიან აფექტური იყო“. „მეუფე დიმიტრიმ მითხრა, ყველაფერს გავაკეთებ იმისთვის, რომ მათხოვრად იარო ლონდონის ქუჩებშიო. ერთხელ შედგა კონტაქტი, საუბრის საშუალება არ მომცა, ძალიან აფექტური იყო. ასევე გამომიგზავნა შეტყობინებები, რომ თუ არ დატოვებ, უნდა ჩამოხვიდე, შე ასეთო, შე ისეთო, ამას გიზამ, იმას გიზამო“, – განაცხადა მეუფე ზენონმა „ფორმულასთან“ საუბრისას. ცნობისთვის, 18 ნოემბერს საქართველოს საპატრიარქო მთავარეპისკოპოს ზენონ იარაჯულთან დაკავშირებით განცხადება გაავრცელა, რომელშიც აღნიშნული იყო, რომ იგი დიდი ბრიტანეთისა და ირლანდიის ეპარქიის ხელმძღვანელობიდან გათავისუფლდა.  ...