ინდონეზიაში 250-ს გადააჭარბა მიწისძვრის შედეგად დაღუპულთა რიცხვმა

სულ მცირე 252 ადამიანი დაიღუპა და 377 დაშავდა ინდონეზიაში მომხდარი დამანგრეველი მიწისძვრის შედეგად. ადგილობრივმა ხელისუფლებამ განახლებული მონაცემები დღეს, 22 ნოემბერს გამოაქვეყნა. ამ დრომდე დაკარგულად ითვლება 31 ადამიანი. 7 ათასზე მეტი უსახლკაროდ დარჩა. 21 ნოემბერს მომხდარი 5.6 მაგნიტუდის მიწისძვრის ეპიცენტრი ინდონეზიის დედაქალაქ ჯაკარტიდან დაახლოებით 75 კილომეტრში, დასავლეთ იავის პროვინციის ქალაქ ჩიანჯურში მდებარეობდა. ეპიცენტრში დანგრეული ან დაზიანებულია 700-ზე მეტი შენობა, მათ შორის საცხოვრებელი სახლები, სკოლები და სამედიცინო დაწესებულებები. დაღუპულთა შორის ბევრი ბავშვია, რადგან მიწისძვრის დროს სკოლებში სასწავლო პროცესი მიმდინარეობდა. ...