პრინციპით „50-50“-ზე რუსეთმა და უკრაინამ სამხედრო ტყვეები გაცვალეს

კიევმა და მოსკოვმა 24 ნოემბერს კვლავ გაცვალეს სამხედრო ტყვეები ამჯერად ფორმატით "50-50"-ზე. ამის შესახებ პირველი ცნობა უკრაინის მხარემ, უფრო ზუსტად უკრაინის პრეზიდენტის ადმინისტრაციის ხელმძღვანელმა, ანდრი ერმაკმა განაცხადა. უკრაინელი მაღალჩინოსნის თქმით, უკრაინამ დაიბრუნა ორი ოფიცერი და 48 რიგითი და სერჟანტი. "მნიშვნელოვანია, რომ ჩვენ მოვახერხეთ მარიუპოლის 19 დამცველის დაბრუნება, რომელთაგან 12 ევაკუირებული იქნა აზოვსტალიდან", - წერს ერმაკი ტელეგრამის არხში. გარდა ამისა, თავიანთ ოჯახებს დაუბრუნდა ჩერნობილის ატომური ელექტოსადგურის 15 თანაშრომელი და კუნძულ „ზმეინიზე“ ტყვედ აყვანილი 7 ადამიანი. ასევე ნახეთ „დამიბრუნეთ სახლში მამიკო!“ - კუნძულ ზმეინის დამცველთა ნაწილის ბედი ისევ გაურკვეველია რუსეთის თავდაცვის სამინისტრომ დაადასტურა პატიმართა გაცვლა, რომლის დროსაც მოსკოვმა 50 სამხედრო მოსამსახურე დაბრუნდა. ტყვეობაში მათ სასიკვდილო საფრთხე ემუქრებოდათ, აღნიშნული რუსეთის სამხედრო უწყების ცნობაში, რომელშიც სხვა დეტალებზე საუბარი არ არის. მანამდე პატიმრების გაცვლა რუსეთსა და უკრაინას შორის გუშინ მოხდა ფორმულით "35-35-ზე". 3 ნოემბერს კი მხარეებმა ასევე თანაბარი რაოდენობის 107-107 პატიმარი გაცვალეს. ...