Forbes-ის თანახმად, რუსეთმა ომის წარმოებისთვის წლიური ბიუჯეტის ერთი მეოთხედი დახარჯა

Forbes-ის შეფასებით, მოცემული მომენტისთვის რუსეთმა ომის წარმოებისთვის დახარჯა დაახლოებით 82 მილიარდი დოლარი. ეს მისი წლიური ბიუჯეტის ერთი მეოთხედია. ამ თანხიდან 14 მილიარდზე მეტი დაიხარჯა უკრაინის წინააღმდეგ სარაკეტო იერიშებში. მიახლოებითი შეფასებით, შეჭრიდან ცხრა თვის განმავლობაში უკრაინის ტერიტორიის წინააღმდეგ გაშვებულია 4 ათასზე მეტი რაკეტა. თითოეულის ფასი დაახლოებით 3 მილიონი დოლარია. თითქმის 6,6 მილიარდი დოლარი დაიხარჯა არტილერიის უზრუნველსაყოფად, 15,6 მილიარდი - სამხედროების ხელფასებზე. ასევე რუსეთმა დაკარგა 20,8 მილიარდი დოლარის ღირებულების სამხედრო ტექნიკა. დასავლეთის სამხედრო ექსპერტები მიიჩნევენ, რომ რუსეთის რაკეტების მარაგი მნიშვნელოვნად შემცირებულია, მაგრამ 3-4 მასირებული იერიშისთვის ჯერ კიდევ კმარა. ...